Цервикалната спондилоза, уште позната како цервикален остеоартритис, е состојба која вклучува промени на коските, дисковите и зглобовите на вратот. Обично се јавува поради абење на цервикалниот ’рбет поврзано со возраста, но може да има и други фактори кои придонесуваат.

Како настанува вратната спондилоза?

Спондилозата се случува како последица на дегенерација на интервертебралните дискови кои делуваат како перници помеѓу пршлените во ’рбетот. Со текот на времето, овие дискови може да дегенерираат, губејќи ја содржината на вода и еластичноста. Ова може да доведе до намалена функција на дискот, што резултира со намалена амортизација на удари и зголемен стрес на околните структури.

Како што дисковите се дегенерираат, телото може да реагира со формирање на нова коска (остеофит) во обид да го стабилизира ’рбетот. Овие коскени израстоци може да се развијат по должината на рабовите на пршлените и може да се појават во ’рбетниот канал или отворите на нервните корени предизвикувајќи болка.

Бидејќи цервикалниот ’рбет е подложен на дегенеративни промени, тој може да стане нестабилен. Ова може да резултира со абнормално движење на пршлените, како што е нестабилност на ’рбетот или делумна дислокација, што дополнително може да придонесе за болка и невролошки симптоми.

Стареењето е примарен фактор за цервикална спондилоза, но има и други ризик фактори: генетиката, начинот на живот (пушењето и лошото држење на телото), повторливи движења на вратот, претходни повреди на вратот и професии кои вклучуваат кревање тежина или долго седење.

Генерално, цервикалната спондилоза е сложена состојба која вклучува комбинација на дегенеративни промени во цервикалниот ’рбет. Симптомите може да варираат и во голема мера зависат од тежината на дегенерација. Најчести симптоми се: болка во вратот, вкочанетост, главоболки, слабост или трнење во рацете поради компресија на нервите.

Третманот за цервикална спондилоза има за цел ги контролира симптомите и да спречи понатамошна прогресија на состојбата. Специфичниот пристап на третман може да варира во зависност од тежината на симптомите, индивидуалните фактори и присуството на компликации. 

Еве неколку општи опции за третман:

• Една од опциите е третман со криотерапија (топло – ладна терапија). Топло - ладните облоги можат да помогнат да се намали болката и воспалението. Топлата терапија се користи за релаксација на напнатите мускули, додека ладната терапија се користи кога има појава на оток.
• Користење на ергомонска поддршка на вратот во текот на денот и ноќта. Дневната поддршка се обезбедува со користење на шанцова кравата, додека ноќната со користење на ергономска перница. Целта на овие две помагала е да направи растеретување на вратните пршлени и да се намали притисокот кој природно се создава во оваа регија.

• Избегнете активности кои може да ја влошат состојбата. Доколку имате професија која е поврзана со долго седење, на секој 1 час, станете и направете неколку вежби за истегнување. Дополнително можете да користите и столица со физиотопка која ќе спречи пасивизирање на мускулите на грбот. 
• Аплицирајте кинезитејп во цервикалниот дел на ’рбетниот столб. Кинези лентата ја намалува болката, ја зголемува циркулацијата и го зголемува опсегот на движење.
• Направете еднаш во денот екстензија на вратните пршлени со помош на релаксатор. Со оваа техника се прави нежно истегнување и релаксирање на мускулите на вратот а во исто време се зголемува интервертебралниот простор. На овој начин се зголемува циркулацијата во мускулите, лигаментите и тетивите, се ублажува болката и се подобрува мобилноста на вратот, рамената и ’рбетот.

Вратната спондилоза е една од најчестите дегенеративни состојби на вратот со која се соочуваат луѓето. За жал модерното време во кое живееме и работиме не ни дозволува да ги избегнеме активностите кои придонесуваат за појава на спондилозата. Со користење на ергономска перница, редовни вежби и истегнување можеме да ја превенираме оваа состојба и да го намалиме интензитетот на симптомите.