Главните предизвици со кој се соочуваат корисниците на компресивни чорапи се начинот на облекување и начинот на одржување. Во продолжение во неколку чекори ќе Ви објасниме како полесно да ги облекувате компресивните чорапи/хулахопки и како да ги одржувате.

Пред да започнете да ги облекувате чорапите прочитајте ги следните препораки:

• Компресивните чорапи се облекуваат наутро на одморена нога, додека сѐ уште не сте станати од постела.
• На рацете задолжително ставете заштитни ракавици (хируршки, гумирани), со цел да спречите физичко оштетување.
• Користете кратки секојдневни чорапи врз нив кои немаат многу јак ластик.
• Препорачливо е редовно е да се одржуваат стапалата за да се спречи физичко оштетување на чорапите/хулахопките.

Начин на облекување:

1. Доколку користите чорапи или хулахопки со отворени прсти:

•      Најпрво го поставувате помошното чорапче на боса нога. Преку него компресивната чорапа многу полесно се навлекува.

• Никогаш не ја набирајте чорапата или хулахопката, само ногата спуштајте ја низ неа.

• Позиционирајте ја најпрво чорапата на стапалото, тоа многу ќе ви го олесни многу понатамошното облекување.

• Преку прстите извлечете го помошното чорапче.

• На крај извлечете ја чорапата до соодветната висина.

        2.Доколку носите компресивни чорапи кои се со затворени прсти:

• Чорапата превртете ја до половина, приближно до кај одбележаниот дел кај петата.

• Навлечете го стапалото во чорапата.

• Oстанатиот дел превртете го до својата соодветна висина.

• Ако имате потешкотии за облекување, користете специјално помагало за облекување на чорапи.

Важно:

Без разлика каков модел на компресивната чорапа или хулахопка користите најважно е да е подеднакво распоредена низ цела нога и никаде на нема набори.

Начин на одржување:

• Компресивните чорапи/хулахопки задолжително се перат секој втор ден.
• Перењето е исклучиво рачно, со течен детергент.
• Сушењето е природно, односно чорапите/хулахопките не смее да се изложуваат на директна топлина (грејно тело, пегла или директна сончева енергија).