Главниот предизвик со кој се соочуваат корисниците на компресивни чорапи се начинот на облекување и начинот на одржување. Во продолжение во неколку чекори ќе Ви објасниме како полесно да ги облекувате компресивните чорапи/хулахопки и како да ги одржувате.

Начин на облекување:

1. Компресивните чорапи/се облекуваат наутро на одморена нога додека сеуште не сте станати од постела.
2. На рацете задолжително ставете заштитни ракавици (хуруршки, гумирани), со цел да спречите физичко оштетување
3. Доколку користите чорапи или хулахопки со отворени прсти:

•      Најпрво го поставувате помошното чорапче на боса нога. Преку него компресивната чорапа многу полесно се навлекува.

• Никогаш не ја набирајте чорапата или хулахопката, туку само ногата спуштајте ја низ неа.

• Позиционирајте ја најпрво чорапата на стапалото, тоа ќе ви го олесни многу понатамошното облекување.

• Потоа ја извлекувате чорапата до соодветната висина.
• Преку прстите извлечете го помошното чорапче.

• Доколку имате потешкотии за облекување, користете специјално помагало за облекување на чорапи.

1. Доколку носите компресивни чорапи кои се со затворени прсти:

• Чорапата превртете ја до половина, од прилика до кај одбележаниот дел кај петата.
• Навлечете го стапалото во чорапата
• И останатиот дел превртете те го до својата соодветна висина

Важно:

Без разлика каков модел на компресивната чорапа или хулахопка користите најважно е да е подеднакво распоредена низ цела нога и никаде на нема набори.

Користете си кратки секојдневни чорапи врз нив кој немаат многу јак ластик.

Начин на одржување:

• Компресивните чорапи/хулахопки задолжително се перат секој втор ден.
• Перењето е исклучиво рачно, со течен детергент.
• Сушењето е природно, односно чорапите/хулахопките да не се изложуваат на директна топлина (грејно тело, пегла или директна сончева енергија)
• Препорачливо е редовно е да се одржуваат стапалата за да се спречи физичко оштетување на чорапите/хулахопките.