90% од луѓето барем еднаш во животот се соочиле со болка во грбот или половината. За среќа во поголем број случаи болката може да се намали со одредени вежби кои ќе ви одземат само 10 минути. Во продолжение ви даваме 5 вежби:

1. Мачка

Ова е одлична вежба со која се истегнува `рбетот од двете страни и се намалува болката. Во исто време се активираат мускулите на рацете, рамењата и грбот. Ова е една од основните вежби во јогата која е совршена за релаксација.

Како се изведува? Застанете во позиција „сите четири“, со што дланките треба да ви бидат во иста линија со рамената а колената раширени во иста линија со колкот. Како што издишувате, свиткајте го ‘рбетот нагоре (положба на накострешена мачка), активирајќи ги стомачните мускули. Кога правите лак, почувствувајте како рамената се шират а вратот се издолжува. При вдишување, направете превртен лак, односно свиткајте го ‘рбетот на спротивната страна. Подигнете ја брадата и градите, погледот насочете го кон таванот. Повторете 15 пати.

2. Летечко куче

Оваа вежба за рамнотежа го зајакнува целиот ‘рбет, мускулите на стомакот, грбот и задникот. Со затегнување на целото тело се обезбедува стабилност неопходна за заштита на грбот од секојдневните активности.

Како се изведува? Поставете се во позиција „сите четири“ како во претходната вежба. Подигнете ја десната рака нагоре и во исто време подигнете и исправете ја левата нога нагоре. Задниот дел е исправен, колковите смирени, погледот насочен кон подот. Држете кратко (околу три секунди). Вратете се на „сите четири“ и повторете со левата рака и десната нога. Направете три серии со по 10 повторувања на секоја страна.

3. Мост

Иако изгледа лесно, мостот е сложена вежба која ги зајакнува мускулите на задникот, бутовите, торзото и долниот дел на грбот. Идеална е за луѓе со болки во грбот затоа што не врши притисок врз долниот дел на грбот. Покрај тоа што ја намалува болката во половина со оваа вежба се затегнува задникот кој влијае на `рбетот, бидејќи затегнат задник го растеретува грбот, нозете и колковите при движење.

Како се изведува? Легнете на грб, рацете поставете ги покрај телото. Свиткајте ги нозете во колено и раширете ги во линија на колкот. Кренете го задникот нагоре со што телото е во рама линија од рамената до колкот. Држете го телото во оваа положба три секунди, а потоа вратете ги колковите надолу. Направете три серии со по 10 повторувања.

4. Свинга

Оваа вежба го затегнува целиот ‘рбет, но треба внимателно да ја правите особено ако имате болка во долниот дел од грбот. Вежбајте полека и доколку почуствувате болка веднаш прекинете.

Како се изведува? Легнете на стомак и испружете ги нозете. Рацете поставете ги покрај тело и свиткајте ги во лакт. Главата подигнете ја нагоре. Потоа со  горните мускули подигнете го горниот дел од телото. Рамената да ви бидат во иста линија со ушите. Во оваа положба останете 5-10 секунди, па полека вратете се назад. Повторете 15 пати.

5. Куче кое гледа надолу 

Ова е статична вежба одлична за истегнување на задникот, листовите, рамената и целата карлица. Во исто време ја намалува напнатоста и болката во лопатките на грбот ги зајакнува нозете, стапалата, рацете и зглобовите.

Како се изведува? Поставете се во положба „сите четири“ како во претходните вежби. Потоа подигнете го задникот високо, исправете ги колената а главата поставете ја помеѓу рацете. Дишете длабоко и задржете се во оваа положба 30 до 60 секунди. Потоа вратете се во првобитна положба. Повторете 3 до 5 пати.