Универзалната инвалидска количка има подвижен наслон за грбот, кој овозможува пациентот да се транспортира во лежечка или полулежечка положба. Папучите за нозете освен што имаат можност да се адаптираат висински според потребите на пациентот, може да се регулираат и во аголот на позиција (нозете може да бидат и во исправена положба). Оваа можност ја прави оваа количка идеална за лица кои имаат фрактура или хируршка операција на колено. Дополнително количката има висок наслон што овозможува стабилизација на главата кај лица парализа или проблеми со централниот нервен систем. Страниците на количката лесно се подигнуваат што го олеснува преместувањето на пациентот од количка на кревет и обратно.

G10-G13 системски атрофии што примарно го зафаќаат централниот нервен систем;

G20 паркинсонова болест;

G35-G37 демиелинизирачки болести на централниот нервен систем;

G60-G64 полиневропатии и други заболувања на периферен нервен систем;

G71-G72 болести на мионевралната спојака на мускул;

G80.0 спастична церебрална парализа;

G80.2 спастична хемиплегична церебрална парализа;

G80.3 дискинетична церебрална парализа;

G80.9 инфантилна церебрална парализа, неозначена;

G81.9 хемиплегија, неозначена;

G82(G82.0-G82.5) параплегија и тетраплегија;

I69(I69.0-I69.8) секвели од цереброваскуларна болест;

Т95.3 и Т95.9 секвели од изгореници,корозии и смрзнатини;

M30-M36 системски заболувања на сврзното ткиво ;

B91 секвели од полиомиелит;

Z89.5 стекнат недостиг на нога до или под колено;

Z89.6 стекнат недостиг на нога над колено;

Z89.7 стекнат недостиг на двета долни екстремитети на било кое ниво освен само прсти;

Z96.8 присуство на други означени функционални имплантати;

Правото на инвалидска количка се утврдува врз основа на потврда потпишана од двајца специјалисти, од кои едниот со специјалност по физијатрија или ортопедија, другиот со специјалност по физијатрија, ортопедија, неврологија, невропсихијатрија или хирургија, а го потврдува со наод мислење лекарската комисија на Фондот.