Болката во долниот дел на грбот најчесто настанува како последица од нарушувања на мускуло-скелетниот систем, оштетување на интевертебралните дискови, лигаментите околу ‘рбетот и дисковите, `рбетниот мозок и нервите како и мускулите во долниот дел на грбот. Има бројни прични вклучувајќи ги и дегенеративните нарушувања како што е артритисот. Како најчеста причина се издвојува механичката, затоа што лумбалниот сегмент на `рбетот има поголема подвижност и треба да издржи највисоки механички побарувања.

Како настнува долно грбната болка?

• Лошо држење на телото или долги периоди кога `рбетот е во неправилна положба: кога спиете во неадвекватна положба или работите на биро;
• Повреди кои вклучуваат ненадејно движење на долниот дел на грбот;
• Предолго време поминато во седната положба: работа во калнцеларија или долги патувања;
• Долгорочен стрес што предизвикува спазам (грчење) на паравертебрална мускулатура на грбот како и мускулите на карлицата, кои доведуваат до напрегање на грбот.

Кои се симптомите?
Досадна или тапа болка што се пренесува надолу во ногата, што доведува до потешкоти при одење, седење дури и при стоење. Во некои случаи болката може да се пренесе кон препоните, задниот дел на бутот па и цела нога. Се јавува и спазам (грчеви) во мускулите и чувство на горење, пецкање во нозете, особено при подлога активност. Болката е тешка и поинтензивна при свиткување наназад на грбот.

Како се лекува?
Третманот е комбинација на рехабилитација за долно грбна болка и лумбосакрална ортоза. Различните типови на ортоза (појас) овозможуваат растеретување на лумбалниот дел што доведува до намалување на болката.

Исто така важен дел од третманот се и вежби за истегнување на мускулите на грбот, мускулите на карлицата и нозете како и вежби за јакнење на истата мускулатура можат да придонесат многу во процесот намалување болка во долниот дел од грбот.

Вежба бр. 1

• Легнете на грб рацете поставете ги на главата
• Двете колена споени ги движите на една страна и задржувате 5 секунди
• Потоа истото на другата страна
• Оваа вежба ја повторувате неколку минути

Вежба бр. 2

• Легнете на стомак раце исправени над главта
• Истовремено ги подигнуваме и нозете и раце
• Задржувате 5 секунди и се враќате во првобитна положба
• Ја повторувате вежбата 5 пати

Вежба бр. 3

• Застанувате на колена и се држите на раце
• Ја подигате левата рака и десната нога истовремено и задржувате
• Ја подигнувате десната рака и левата нога истовремено задржувате
• Оваа вежба ја повторувате 5 пати

Вежба бр. 4

• Легнати на грб со раце покрај тело
• Ги свиткувате колената под 90 степени
• Го подигате стомакот и карлицата, задржувате
• Оваа движење го повторувате 5 пати

Вежба бр. 5 – Истегнување со пенаст цилиндар

• Легнете на под и поставете го цилиндарот под долниот дел од грбот веднаш над колковите. Со едната рака фатето го коленото и свиткајте го кон градите. Направете ја вежбата 10-12 пати, а потоа префрлете се на другата нога.
• Ставете го цилиндарот пред вас и потпрете се со рацете. Почнете полека да се истенувате. Задржете се во оваа положба онолку колку што можете да издржите.

Автори:
Д-р Дарко Василевски
Сашо Цветановски – физиотерапевт

За сите прашања во врска со ортопедските производи пишете ни на: [email protected]
Нашиот стручен тим од доктор и физиотерапевт ќе ви одговорат.