Компресивните чорапи можат да помогнат при замор, тежина и оток во нозете, како и кај одредени медицински состојби поврзани со венската и лимфната циркулација.

Компресивните чорапи можат да помогнат при замор, тежина и оток во нозете, како и кај одредени медицински состојби поврзани со венската и лимфната циркулација. Тие не лекуваат болести, но можат значително да ги намалат симптомите и да ја подобрат циркулацијата.

Како функционираат?

Компресивните чорапи вршат контролиран притисок врз ногата, најсилен во пределот на глуждот, кој постепено се намалува нагоре. Овој притисок помага крвта полесно да се враќа кон срцето и го намалува задржувањето на течности во нозете.

Кога се препорачуваат?

Медицинските компресивни чорапи често се користат кај:

• хронична венска инсуфициенција
• проширени вени
• лимфедема
• оток и болка по операција
• бременост
• состојби поврзани со згрутчување на крвта или тромбоза (како поддршка)

Исто така, луѓе кои долго стојат или седат (медицински персонал, продавачи, патувања) често ги користат за намалување на заморот и тежината во нозете.

Како да се избере вистинскиот модел?

Изборот зависи од причината за користење. Медицинските чорапи постојат во различни степени на компресија (низок, среден и висок притисок), а лекарот ја препорачува соодветната класа и должина.

Кога да се консултирате со лекар?

Потребно е лекарско мислење ако се јави:

• ненадеен оток или болка во една нога
• црвенило, топлина или осетливост
• брзо влошување на симптомите

Овие знаци може да укажуваат на посериозен проблем кој бара дијагноза.

Дали се безбедни?

Компресивните чорапи генерално се безбедни, но треба да бидат правилно избрани и прилагодени. Не соодветно избраниот модел или големина може да предизвикаат болка, иритација или силна непријатност. Во тој случај задолжително консултирајте се со вашиот лекар.

За повеќе информации околу моделите и индикациите, јавете се на 02 314 333, посетете некоја од нашите специјализирани продавници или посетете ја нашата веб страна www.medicushelp.mk