Во моментот кога се соочувате со хемотерапија, губитокот на коса е многу честа појава. Оваа состојба е огромен емоционален шок за секоја жена. Во овој момент изборот на перика не е само естетско решение, користењето на перика потполно ја враќа самодовербата кај жената. Постојат неколку важни насоки кои ќе Ви помогнат да го направите вистинскиот избор за вас.

Побарајте консултација пред губењето на косата

Пред сè консултирајте се со вашиот онколог дали терапијата која ќе ја користите ќе предизвика опаѓање на косата. Доколку е така започнете да се информирате уште пред да започне тој процес. Посетете го Жена Центарот (во најблиската продавница на Медикус Хелп) и разгледајте ги опциите кои можете да ги имате. Не брзајте со одлуката, доволно е само да поразговарате со нашиот тим. Нашиот тим се состои од жени, кои долго време се дел од жена центрите низ цела Македонија и тие ќе Ви го дадат најдобриот совет поврзан со вашата состојба.

Сознанието дека визуелниот губиток ќе биде заменет со идеална перика која вам ви одговара, ќе ве успокои и ќе ви даде одговор на многу прашања.

Избор помеѓу синтетички и природни влакна

Периките направени од природни влакна нудат реален изглед и се лесни за стилизирање, но поради самиот состав се поскапи од останатите. За разлика од нив, синтетичките перики се поекономични, а денешните технологии овозможуваат тие да изгледаат многу реално.

За време на хемотерапијата, синтетичките перики често се подобар избор бидејќи се лесни за одржување и брзо се приспособуваат на секојдневните потреби.

Удобноста е клучна

За време на хемотерапијата, кожата на главата може да стане чувствителна, затоа е важно да изберете перика што е удобна и нежна. Препорачуваме перики со мрежеста капа, која и овозможува на кожата да дише и го намалува иритацијата. Дополнително, изберете перика со приспособлива големина, која ќе се адаптира на формата на вашата глава и ќе ви служи во целиот период додека не започне да расте вашата природна коса.

Размислете за бојата и стилот

Изборот на боја и стил е многу личен. Некои жени преферираат да останат верни на својот природен изглед, додека други ја гледаат периката како можност за промена – нова фризура, нова боја, нешто што отсекогаш сте сакале да пробате, но не сте имале можност. Важно е да се чувствувате удобно во својата кожа, па затоа донесете одлука која најмногу ви одговара на емоционалната состојба.

Доколку можете, донесете блиска личност со себе – пријателка, сестра или член од семејството – за да ви помогне во изборот. Нивната поддршка може да направи разлика.

Нега на периката

Со правилно одржување, вашата перика ќе изгледа свежо и природно долго време. Периките од синтетичко и природно влакно, треба да се одржуваат со специјална козметика која ќе ја продолжи нејзината трајност. Начинот на одржување е едноставен и брз.

Важно е да следите препораки од производителот за да ја задржите нејзината трајност и квалитет.

Прифатете го процесот

Не плашете се ако изборот на перика трае подолго од очекуваното. Тоа е сосема нормално. Најважно е да си дадете време, да ги испробате сите опции и да најдете перика што ќе ви помогне да ја задржите вашата самодоверба. Ова е дел од вашето патување, и секој чекор, без разлика колку мал, ќе ве води кон чувството на убавина и сигурност.

Изборот на перика за време на хемотерапија е повеќе од само естетика – тоа е чин на повраток на самодовербата.

Со поддршка од нашиот тим, можете да го пронајдете моделот што ќе ве направи да се чувствувате прекрасно и подготвени да се справите со предизвиците што ги носи хемотерапијата. Вие заслужувате да се чувствувате убаво секој ден.