Limfedema është një gjendje kronike dhe nuk mund të shërohet, por me trajtim të duhur dhe afatgjatë mund të arrihen rezultate shumë të mira në përmirësimin e qarkullimit limfatik dhe në ruajtjen e tyre. 

 Metoda më efektive për trajtimin e limfedemës është terapia komplekse e drenazhës fizikale (TKDF). Qëllimi është fillimisht të zbrazen (të lirohen) ekstremitetet e prekura dhe të ulet ënjtja përmes trajtimeve të përditshme me aparatin për drenazh limfatik , drenazh limfatik manual dhe aplikim të fashave kompresive për bandazhim. Gjatë kësaj faze, terapisti kryen drenazh limfatike një herë në ditë për të ndihmuar në largimin e lëngut nga indet. Faza e parë e TKDF zakonisht zgjat disa javë. Më pas vijon faza e mirëmbajtjes, e cila fillon pasi arrihen rezultatet maksimale nga faza e parë (masazh dhe bandazhim).

Qëllimi i fazës së mirëmbajtjes është të ruajë efektet e arritura në fazën e parë – fazën e drenazhës, konkretisht të mbajë vëllimin e reduktuar të ekstremitetit pas trajtimit. Në fazën e mirëmbajtjes mund të jetë e nevojshme përsëritja e metodave të fazës së parë të trajtimit. Frekuenca e përsëritjes përcaktohet nga terapisti në varësi të rezultateve. 

Pas përfundimit të fazës së parë, fashat kompresive duhet të zëvendësohen me çorape ose doreza mjekësore kompresive të përshtatshme: zakonisht rekomandohen çorape dhe doreza kompresive me prerje të rrafshët. 

Gjithashtu rekomandohen masa shtesë terapeutike si kujdes i veçantë për lëkurën, ushtrime të specializuara dhe dietë e shëndetshme. 

 Gjashtë shtyllat e TKDF-së: 

1.Drenazhi limfatik me anë të aparatit 

Aparati për drenazh limfatike funksionon me parimin e kompresionit pneumatik të ndërprerë, që do të thotë se përdor presionin e krijuar në formë vale dhe kështu mundëson drenazh limfatike me kompresion. Presoterapia pneumatike vepron pozitivisht te pacienti duke shkaktuar një ndjenjë  lehtësimi.

2.Drenazha limfatike manuale 

Drenazha limfatike manuale është një teknikë masazhi që kryhet nga një terapist i trajnuar. Terapisti përdor lëvizje të caktuara për të stimuluar drenazhin limfatik. Stimulimet mekanike të moderuara nxisin enët limfatike të punojnë më intensivisht dhe kështu ndihmojnë në largimin e lëngut limfatik nga indet.

3.Terapia kompresive 

 Në fazën e drenazhës pas çdo drenazhi limfatik manual vendosen fashë kompresive për bandazhim. Kjo përsëritet çdo ditë gjatë kësaj faze, sepse pa kompresionin me fashat e bandazhit, ënjtja në ekstremitete do të kthehet shumë shpejt pas përfundimit të masazhit. Pas fazës së parë të trajtimit, në fazën e mirëmbajtjes përdoren doreza ose çorape mjekësore kompresive për të parandaluar rikthimin e ënjtjes. 

4.Higjiena dhe kujdesi i lëkurës 

 Kujdesi i përditshëm i lëkurës me produkte të specializuara është thelbësor për trajtimin e limfedemës. Lëkura në pjesët e prekura është veçanërisht e ndjeshme dhe e prirur ndaj thatësisë dhe kruajtjes. Infeksionet, inflamacionet dhe problemet me shërimin e plagëve shfaqen shpesh për shkak se te shtresa e sipërme e lëkurës shpesh mungon hidratimi për shkak të ënjtjeve të pranishme dhe lëkura nuk mund të kryejë funksionin e saj mbrojtës. Prandaj, përdorimi i kremarave që hidratojnë lëkurën është shumë i rëndësishëm. Këshillë: Mos injoroni as irritimet më të vogla të lëkurës që mund të shfaqen. Nëse vëreni ndryshime në lëkurë, konsultohuni me dermatologun.

Këshillë: Mos injoroni as irritimet më të vogla të lëkurës që mund të shfaqen. Nëse vëreni ndryshime në lëkurë, konsultohuni me dermatologun.

5.Ushtrime dhe gjimnastikë E rëndësishme: Lëvizni vazhdimisht, rekomandohet edhe pas drenazhit limfatik manual, edhe nëse përdorni fashë kompresive. Lëvizja mbështet efektin optimal të terapisë kompresive.

• Vetëmenaxhim dhe trajnim Për të arritur sukses maksimal terapeutik, është shumë e rëndësishme që pacienti të jetë i motivuar dhe të marrë pjesë në trajtim në mënyrë aktive dhe të pavarur, duke ndjekur udhëzimet e terapistit. Informimi dhe angazhimi personal janë shumë të rëndësishme që pacienti të kuptojë plotësisht rëndësinë e trajtimeve në të gjitha fazat. Ndryshimet e vogla në sjellje mund të kontribuojnë në përmirësimin e gjendjes.

Disa këshilla të përditshme për përmirësimin e gjendjes me limfedemë: • Kujdesuni për lëkurën tuaj dhe shmangni lëndimet. Pacientët me limfedemë janë të prirur ndaj infeksioneve. 

• Relaksoni këmbët me ushtrime të rregullta. 

 • Praktikoni ushtrime të përshtatshme (gjimnastikë në ujë/not) dhe sporte me rrezik të ulët për lëndime. 

 • Dezinfektoni çdo plagë, madje edhe më të voglën, menjëherë sapo ta vini re. 

 • Nëse hasni në skuqje, ënjtje ose ndryshim të temperaturës së trupit, vizitoni menjëherë mjekun. 

 • Vishni çorape ose doreza kompresive çdo ditë, veçanërisht kur jeni aktivë dhe/ose bëni sport.

Këshillë: Bisedoni me persona të tjerë që kanë limfedemë. Pacientët mund t’i japin njëri-tjetrit këshilla shumë të dobishme dhe të ndajnë përvojat personale për trajtimet dhe jetën e përditshme me këtë gjendje.  Nëse keni problem me limfedemë ose njihni dikë që e ka këtë gjendje, kontaktoni menjëherë dhe caktoni konsultë në numrin e telefonit 071229086. Trajtimin e limfedemës e kryen specialisti i fizioterapisë ortopedike Sašo Cvetanoski, i cili ka përfunduar me sukses trajnim për trajtimin e limfedemës në Spitalin e specializuar Lympho Otp në Gjermani.