Bandazhimi me tape dhe pre-tape (wrap) është një nga teknikat më efikase për parandalimin e lëndimeve, të cilën e përdorin të gjithë sportistët profesionistë. Kjo është një teknikë që përdoret për mbështetje dhe stabilizim të nyjeve të trupit. 

 Gjatë aplikimit, së pari vendoset pre-tape (wrap), e cila është në formë shiriti sfungjeror dhe siguron një barrierë mbrojtëse midis lëkurës dhe shiritit vetëngjitës (tape). Më pas aplikohet tape-i, i cili është një shirit vetëngjitës që ofron mbështetje të fortë dhe kompresion mbi nyje. Bandazhimi ndihmon në stabilizimin e nyjes dhe parandalimin e lëndimeve të përsëritura. 

 Kjo teknikë ka disa përfitime:

• Përfitimi i parë i kësaj teknike është parandalimi i lëndimeve. Bandazhimi nuk e kufizon lëvizjen e nyjes, por ofron mbështetje të shkëlqyer gjatë lëvizjeve të papritura. 

 • Kjo teknikë mund të ndihmojë në zvogëlimin e dhimbjes pas disa lëndimeve. Tape-i dhe pre-tape stabilizojnë nyjen e dëmtuar dhe kështu parandalojnë dhimbjen. 

 • Bandazhimi përmirëson funksionin e muskujve. Kjo është veçanërisht e rëndësishme gjatë periudhës së rehabilitimit pas një dëmtimi. Në këtë proces, tape-i ofron mbështetje të madhe për muskujt për rigjenerim më të shpejtë.

 • Aplikimi i tape-it dhe pre-tape parandalon përsëritjen e lëndimeve. Shpeshherë një dëmtim i caktuar (në nyje ose ligament) mund të përsëritet disa herë. Kjo ndodh nëse gjatë procesit të shërimit nyja nuk është imobilizuar me një ndihmë të caktuar.

• Kjo teknikë gjithashtu ndihmon për një siguri psikologjike më të mirë gjatë lëvizjes. Kjo lloj mbështetjeje është e nevojshme pas një dëmtimi ose trauma në nyjen e këmbës. 

 Bandazhimi parandalon lëndimet ose zgjatjen e tepërt të ligamentëve. Ky lloj dëmtimi është zakonisht shumë i dhimbshëm, dhe procesi i rehabilitimit zgjat për një kohë të gjatë. Pikërisht për këtë arsye, sportistët dhe personat që janë aktivë çdo ditë përdorin këtë teknikë për të parandaluar këtë lloj dëmtimi.