Harku i shputës është i prëbërë prej muskujve, tendinit dhe ligamenteve. Funksioni i harkut është ta shpërndaje gjithë peshën e trupit në tre pika kryesore të ngarkimit: thembra, gishti dhe jastëkët metatarsal. Kur ligamentet janë të dobëta dhe nuk mund ta mbajnë peshën e trupit, ndodh shputa e rrafshët e cila manifestohet me më shumë deformime.

• Eshtra e thembrës kthehet drejt brenda
• Harku i këmbës ka rënë deri në dysheme
• Eshtrat metatarsale zgjerohen drejt jashtë

Muskujt e dobët të këmbëve dhe ngarkimi shtesë mund ta rrafshojnë shputën. Ligamentet më tepër nuk mund ta mbajnë eshtrën e thembrës në pozitën e saj natyrore dhe ajo fillon të kthehet drejt brenda. Në të njëjtën kohë, i gjithë harku lëshohet teposhtë dhe eshtrat metatarsale zgjerohen drejt jashtë. Si pasojë e kësaj paraqitet efekti negativ mbi gjithë trupin, që manifestohet me dhimbje në gjunjë, kërdhokull, shpinë, si dhe në supet dhe qafë.

Faktorët e rrezikut dhe shkaqet

Pesha e madhe trupore, aktivitet i madh sportiv, ind i dobët lidhës dhe muskujt jo aq të zhvilluar të këmbëve janë faktorët të cilët e rritin rrezikun nga zhvillimi i shputës së rrafshët. Këtu marrin pjesë:

Sporti

• Aktivitetet sportive të cilat përfshijnë kërcim intensiv, si basketbolli dhe volejbolli.
• Vrapimi, xhogingu intensiv, vozitja e biçikletës dhe të ecurit
• Aktivitete sportive të cilat përfshijnë ndryshim të shpejtë në drejtim të lëvizjes, si hendbolli dhe futbolli
• Aktivitetet sportive të cilat përfshijnë lëvizje të shpejtë, si tenisi

Faktorët e jashtëm

• Këpucë joadekuate
• Qëndrim i gjatë në këmbë ose të ecurit të gjatë

Faktorët fizik

• Elasticitet i zvogëluar i tendinëve (te personat e rritur)
• Tendin ose muskuj të shkurtuar
• Pesha trupore mjaft e madhe

Si mjekohet shputa e rrafshët?

Deformimet e shputës janë diagnostikuar me skanim të shputës gjatë qëndrimit në këmbë dhe të ecurit. Sipas rezultateve nga skanimi zgjidhet tipi i shtresës për këpucë dhe fusha e aplikimit. Shtresa për këpucë individuale të prodhuara nga karboni Igli mund ta korrigjojnë deformimin me ngritjen e harkut të këmbës. Si rezultat i kësaj thembra fiton mbështetje dhe drejtohet në pozitë normale.