Emri im është Natasha Mitev. Jam nënë e një djaloshi të mrekullueshëm që aktualisht ka 5 muaj. Engjëlli im erdhi në këtë botë pak më herët se sa ishte pritur, dhe që nga ajo ditë na zbukuron jetën. Rriteshim, përqafoheshim, përkëdheleshim dhe ditët kalonin shumë shpejt. Ashtu si çdo nënë kujdesore, edhe unë e kam ndjekur me vëmendje zhvillimin e tij, pasi, siç e përmenda, erdhi pak më herët se sa pritej.

Pas dy muajsh vërejta diçka të pazakontë në formën dhe pozicionin e këmbës. Nuk dija çfarë mund të ishte, prandaj menjëherë vizituam ortopedin. Ai na tha se kjo gjendje quhet metatarsus adductus. Ai e përshkroi këtë gjendje si një deformim të zakonshëm të këmbës tek të porsalindurit, që bën që gjysma e përparme e këmbës të përkulet drejt brenda.

E mira është që kemi reaguar shpejt dhe ka pasur hapësirë për korrigjim. Doktori na rekomandoi përdorimin e gipsit, por pasi frikoheshim se do të pasivizohej muskulatura e këmbës, nuk vendosëm për këtë zgjidhje. Më pas vizituam një tjetër ortoped dhe mësuam se ekzistonte një këpucë që mund të bënte këtë korrigjim. Këtë këpucë e gjetëm te Medicus Help dhe filluam ta përdorim. Pas 3 javësh vërejta ndryshim në formën e këmbës. Edhe pse ende nuk ishte arritur rezultati maksimal, u gëzova shumë. Këpucën e përdorëm për 2,5 muaj, nga të cilët java e fundit vetëm natën. Atëherë vërejtëm që këmbëza ishte plotësisht e korrigjuar. Vizituam sërish ortopedin dhe ai konfirmoi atë që kishim parë. Kur e pyetëm nëse do të ishte e nevojshme të përdorej përsëri, na thanë se nuk do të kishte nevojë, pasi qëllimi ishte arritur.

Ndjemë një lehtësim të madh dhe pikërisht për këtë arsye dua ta rekomandoj këtë mjet çdo nëne që ka vërejtur një problem të tillë tek i dashuri i saj. Reagimi i shpejtë dhe në kohë është më i rëndësishëm për fëmijët. Faktin që ata janë në proces rritjeje dhe zhvillimi e mundëson korrigjimin e shpejtë dhe efektiv të këmbës.